今日返早...所以放工放1點...跟住同老公去東港城度行街食飯...我地去

                 咗食和民...兩個人食咗3百幾蚊囉...不過真係食得好開心....好難得

                 可以同老公行街食飯...到老公讀完書都唔知仲會唔會有機會咁同老公

                 行下街睇下戲...依家真係要好好咁珍惜同老公一齊既時間...

                近排我又開始懶喇...晚晚同自己講要寫xanga...但晚晚都會有籍口俾自

                己唔寫xanga...呢個月頭好似係咁放假...都ok hea...不過大多數都係留係

                 屋企...因為出街好多時都要用錢...留係屋企起碼唔洗用錢...肚餓就係屋

                 企揾嘢食...但近排好似無咩錢錢用咁...我好想揾份全職做...但無奈我身

                 體負荷唔到...一返d全職既工...個人就好容易病...唔係感冒就係發燒...所

                 以淨係可以做part-time嚟賺下錢錢...

                 其實我知道好多朋友係自己個xanga度話我做model係貪慕虛榮...又話持

                 住自己有個靚樣就學人做model...

                 講真...我唔係d咁既人...如果真係識得我耐既朋友就知我係一個咩人嚟...

                 我只不過係好好彩有咁既機會試下d自己從未接觸過既嘢...當然我做呢份

                 工都只不過係想賺錢攞下經驗...試問有邊一個人係唔想賺錢嫁...

                 我做model呢份工...淨係我媽咪知...我連我daddy,阿哥都無講...我都驚自己

                 屋企人會咁諗我...我淨係想安安份份咁做好呢份工...

                 我希望大家支持我...

                 尋日係阿彬既生日...生日快樂...我地成班中學同學約咗出嚟食飯

                 叙下...我尋日無返工...所以同媽咪哥哥去大家樂食早餐...食完就返

                 屋企...到4點個下媽咪打俾我...化完妝就去將軍澳揾媽咪...原來WA

                  -NKO做減價...我買咗件短褲同短裙...之後出旺角等阿彬..羅d..慧慧

                  ..黃章威..阿文同老公...等齊人就搭地鐵去銅鑼灣食個間"ISSEL JAP

                  -ANESE DINING"度食日本嘢...d嘢都ok好食...但我地班人好似搶食

                  咁...d嘢一嚟無耐就俾人夾晒...我全程食得好開心...由其係黃章威講

                  嘢好搞gag...搞到我同慧慧係咁笑...我地食到10點左右就埋單走人...

                 
                  ~大合照~
                  ...慧慧,自己,阿文,黃章威,阿彬,羅d...

                 
                  ...同慧慧有成3年無見lu...

                  
                   ...又俾人偷影...

                   
                    ...同壽星仔影相...

                 今日同老公,靜誼達霖去咗沙灘玩...我地約咗係鑽石山度等...我同老公

                 趁佢地未到去咗美食廣場度食嘢...d嘢食唔錯嫁...等到靜誼同達霖佢地

                 嚟到就去咗百街買小小嘢食嘢飲去沙灘度...我地差唔多兩點幾先到清

                 水灣...我地租咗沙灘遮同浮床嚟用...我同老公用浮床嚟玩衝浪...超好玩

                 吖...之後玩到7點幾先走人...我同老公返到觀塘去咗"外野手"度食日本嘢

                 ...食到超飽...價錢係貴咗dd...但勝在d嘢好好食兼款式多...但去食之前最

                 好book定枱...因為個度成日都full場...如果唔book定枱...分分鐘會無位...食

                 完就同老公一齊返屋企...

                
                 P.S. 我絕對無化妝

                
                 P.S. 呢張相我絕對無帶大眼仔

                 今日返8點...估唔到d人換袋好似唔洗錢咁...一開門d人係咁搶住入嚟...

                 我睇到呆咗一呆...之後一路做嘢都未停過手...本身走12點...之後OT咗

                 半個鐘...收工就即刻飛返屋企...食咗個杯麵就係媽咪間房恰咗一恰...到

                 3點又起身返工...好辛苦先捱到8點...臨收工之前仲要俾個客鬧囉...超無

                 癮啊...又超無辜...算~我時運高聽唔到...

                 放工一見到老公...個心情好番晒...返到觀塘同老公去許留山食糖水...

                 今餐老公請...多謝老公...食完老公就送我返屋企...聽到佢話去打機...

                 其實我都想去...但個人都ok攰...所以都係返屋企好過...